عيون الوطن

--------------------

قصيدة أعجبتني لمسفرالدوسري وهي منشورة بجريدة الطليعة

لاتدمع عْيون الوطن
احنا الفجر
واحْنا الأمل
واحنا اللي بنعيد الزمن
ومهما يكون حجم الثمن··
لاتدمع عيون الوطن·
لوتدمع عيون الوطن
احنا نصير··
منديل فرح··
يمسح عن عيونه الدموع
وننحت من عظام الضلوع
غابة أمل
وقمره ··من انوار الشموع
بس المهم ··
لاتدمع عيون الوطن·
لاتدمع عيون الوطن
كثير على ذاك الهدب
يذوق ولو مره العذاب
كبيره في حق الوفا
الحب يصير·· كذبة سراب·
لا يا وطن··
احنا الشباب
واحنا نخلّي بسمتك
مكتوبه في قلب الزمن··
أحلى كتاب
دام احنا في عمرك فجر
واحنا وسط قلبك أمل
مهما يكون حجم الثمن
ماتدمع عيون الوطن·